Tadig ha mammig, setu ma c'hlas : klas ar re grenn hag ar re vras eo. Pemp bugel àrn-ugent eh eus. 

Unnek bugel eh eus e-barzh strollad ar re grenn : seizh paotr ha peder plac'h.

Pevarzek bugel eh eus e-barzh strollad ar re vras : eizh plac'h ha c'hwec'h paotr.

Valérie eo ma mestrez skol. Martine ha Maryse a zo ar skoazellerezed : sikour a reont ar vugale en o labour bemdez. Gober a reont àr dro ar skolidi ivez e-pad ar c'hantin.